影片
更多
2019-05-29
135 瀏覽
熟悉筆者的朋友都知我絕少會去荃灣搵食，一來怕路途遙遠，二來人生路不熟，去到都唔知食乜嘢好。不過最近友人就推介我一試荃灣這間新開的「金牌源記」。據說餐廳晚市不但以原味蒸氣海鮮套餐作招徠，而且走平價路線，10 款海鮮，再加燉湯、蔬菜和糖水，每位都只是 $288，仲不設加一服務費，非常抵食。瀏覽了網上資訊，見評價正面，加上兩口子向來鍾情海鮮，就一於試試。餐廳位於荃灣鱟地坊 62 號，門面非常搶眼，中央鑲有大大個金色招牌，煞是矚目。至於店內裝潢就以茶記格局為主，雖然地方不算很大，但亦佔地兩層。而這晚我倆就被安排坐在靠牆的一張二人桌，座位寬敞闊落，感覺舒服。今次嘅目標就係嚟食呢款「原味蒸房海鮮套餐」，每位 $288，而家憑優惠券仲可以全單一律每位減 $20。 點完餐後，店員就會隨即奉上十層不銹鋼蒸籠，而海鮮同食材都已經全部放曬喺蒸籠入面。另外，為了確保海鮮料能以最佳口味示人，店方會於餐牌列出各類食物的建議蒸煮時間，只要依足指示，就唔怕海鮮會蒸過龍。好，馬上開餐！先由燉湯開始，是日精選燉湯為蟲草花燉豬展，湯身呈美麗的金黃色，入口很清甜，一點也不油膩，滋陰潤肺。之後就輪到食海鮮，第一層係蒜蓉粉絲蒸波
熟悉筆者的朋友都知我絕少會去荃灣搵食，一來怕路途遙遠，二來人生路不熟，去到都唔知食乜嘢好。不過最近友人就推介我一試荃灣這間新開的「金牌源記」。據說餐廳晚市不但以原味蒸氣海鮮套餐作招徠，而且走平價路線，10 款海鮮，再加燉湯、蔬菜和糖水，每位都只是 $288，仲不設加一服務費，非常抵食。瀏覽了網上資訊，見評價正面，加上兩口子向來鍾情海鮮，就一於試試。
餐廳位於荃灣鱟地坊 62 號，門面非常搶眼，中央鑲有大大個金色招牌，煞是矚目。至於店內裝潢就以茶記格局為主，雖然地方不算很大，但亦佔地兩層。而這晚我倆就被安排坐在靠牆的一張二人桌，座位寬敞闊落，感覺舒服。
今次嘅目標就係嚟食呢款「原味蒸房海鮮套餐」，每位 $288，而家憑優惠券仲可以全單一律每位減 $20。 
點完餐後，店員就會隨即奉上十層不銹鋼蒸籠，而海鮮同食材都已經全部放曬喺蒸籠入面。另外，為了確保海鮮料能以最佳口味示人，店方會於餐牌列出各類食物的建議蒸煮時間，只要依足指示，就唔怕海鮮會蒸過龍。
好，馬上開餐！先由燉湯開始，是日精選燉湯為蟲草花燉豬展，湯身呈美麗的金黃色，入口很清甜，一點也不油膩，滋陰潤肺。
之後就輪到食海鮮，第一層係蒜蓉粉絲蒸波士頓龍蝦，龍蝦肥美肉厚，開邊後再鋪上金蒜和粉絲，只須蒸煮 6 分鐘即成。龍蝦肉質飽滿，鮮嫩爽口，彈牙十足，尤其是龍蝦鉗，大隻又厚肉，食完真係大滿足。
果皮蒸十頭鮮鮑魚，兩隻鮑魚都非常厚肉，不過見咁大隻，初頭都怕蒸熟會變韌。跟足建議時間蒸煮 5 分鐘，咬落依然軟熟肉嫩，加上以果皮絲蒸過後，能吊出鮑魚的鮮味，入口甘香。
豉汁蒸大鱔，鱔件外形肥嘟嘟，面頭鋪滿豉汁，肉質很彈牙，而且還帶有少少煙韌感，食落無泥味，入口油潤又滿有豉香，惹味非常。
之後係每人 3 隻清蒸海蝦，本來海蝦嘅蒸煮時間係 3 分鐘，不過今次嘅海蝦比較大隻，店員建議我哋蒸煮 4 分鐘。蒸熟後嘅海蝦呈鮮橙色，入口肉質爽彈，蝦味突出，配附上的醬油和辣椒碎吃，味道微辣鮮甜。
清蒸花尾龍躉，龍躉厚肉鮮嫩，只須蒸 5 分鐘即成。挾起一看，魚肉潔白，片片分明，表層滿佈魚油，而且入口還散發著陣陣鮮魚香。最吸引當然是富膠質的魚皮，既煙韌又黏口，滿載魚脂，絕對是推介之選！
接著是油鹽水蒸時令大蜆，蜆隻沒有加入任何配料，只係簡簡單單用油鹽水同蒸。蒸熟後效果甚佳，隻隻打開，肉質爽滑，完全無沙，不用蘸任何醬油吃，已能嚐出其鹹鮮味。
梅菜蒸菜心，平時食菜心，要不是灼就是蒜茸炒，但這裡的做法有點不同，以梅菜蒸煮，菜心吸收咗梅菜的鹹香，味道配合得天衣無縫，健康又少油，是送飯的一流菜式。
蒜蓉蒸扇貝蟶子皇，平時在大牌檔見到的蟶子，大多數都是細細隻，但這兩隻蟶子皇，比我手掌還要長，面頭鋪滿金蒜和粉絲，蒸煮 3 分鐘後，入口肉質肥美，爽彈鮮甜，而且蒜蓉並沒有把蟶子原有的鮮味蓋過，吃下依然 Keep 住 Juicy 美味。另外扇貝亦夠曬厚肉大隻，入口剛熟不過老，蒸熟後更滲出元貝的鮮甜汁液，難怪老公話食多幾隻都無問題。
梅子蒸長筒魷，平日梅子多數係用來蒸排骨，不過今次就比較特別，用來蒸建福長筒魷。筒魷夠曬長身，入口鮮甜彈牙，配上酸酸甜甜的梅子醬，食落非常開胃。墊底的粉皮亦不容錯過，透薄又質感滑溜，加上梅子醬的提味，口味淡雅。
其實食到呢度已經好飽，不過壓尾的源記荷葉蒸蟹飯，實在非常吸引，所以蒸熟後，亦舀了一小碗品嚐。米飯吸盡蟹肉、蟹膏和金蒜的精華，入口甘香豐腴，滋味無窮，非常滿足！
是日精選糖水為木瓜雪耳，雪耳好爽脆，而木瓜亦夠熟，味道清甜，感覺特別滋潤。這晚的海鮮餐令人吃得非常滿意，既飽肚又滿足，加上價錢咁經濟，絕對係超值之選。
張貼
