一日三餐 (已結業)

同屋企人食早餐，一般都係飲茶。不過，今次試下去茶餐廳食。因為太少外出食西式早餐，所以屋企人話既然一日三餐的午餐幾吸引，可能早餐都ok，咁就一齊試下！我食素，雖然唔係好嚴格的素食者，不過，去茶餐廳的話，我諗到的就係食麥皮或者茄蛋治，所以無論係邊一間餐廳，對我的分別唔大，因為預咗選擇有限吖嘛...不過，今次真係超乎想像。我見餐牌上的其中一款早餐係特別有塊樹葉做標記，一睇就知係素食，而且個餐仲有沙律添。早餐嚟到，賣相幾靚，份量亦大。餐碟上有丹麥吐司、芝麻醬豆腐同沙律。沙律好新鮮，係原形食物，呢點幾令人驚喜。可以一朝早就食到新鮮的蔬菜。餐碟上的每樣食物，除咗吐司，基本上都係我每日必食的項目，所以能夠點到呢一份咁啱口味的窩心早餐，都幾真意外同開心架！聽我妹講，呢間舗頭的豉油雞好出名,午餐亦好食。我見午市同樣有素食選擇，下次可以一試！