利強記北角雞蛋仔

營業中

休息中

早排九月頭經過北角總店見到竟然裝修緊，令到我摸門釘實在太失望😞。呢日去開寶琳醒起地鐵站有分店，所以就去買一底頂頂口癮，不過其實一直無試過其他分店嘅雞蛋仔，因為覺得會無咁好味。寶琳舖比北角舖大，望落亦無咁混亂，而且姐姐比較友善好笑容😊無咁hea🙈，哈哈。無人排隊，所以一落完單，唔使半分鐘就已經有得食，第一下諗咪即係唔係即整咪唔熱，心諗伏已中。不過一拎上手發現係熱嘅，亦都非常香噴噴，一食就更加肯定個味係同北角總店一樣㗎，同樣係好好食。🥚北角雞蛋仔係賣all time飛佛，首先係個皮夠哂脆，就算放耐咗都一樣，自己本身都鐘意食脆身的。第二係雞蛋仔大大粒，唔係而家成日食到嗰啲空心。第三係蛋味好香🤤，遠遠已經聞到，唯一要雞蛋裡挑骨頭就係無炭燒味囉🤣🤣。總括嚟講，北角雞蛋仔仍然係高居於我排行榜嘅第一位🤩，真正外脆內軟，好食到自己一條友食哂一底都完全無問題。價錢其實都唔平，要$19一底，但由於好好食同夠大底，所以就覺得都值嘅。最後最impress我就係估唔到個質素能夠咁穩定，幾時食邊間方店都做到一樣咁好味😋。