影片
更多
2021-10-04
1488 瀏覽
晚上經過西灣河街,見到有一間新嘅台式食店,仲有珍珠奶茶飲,就入去試下啦,個樣好熟口面,但係明明唔係呢個名,一問之下原來老細改咗個餐廳名。咁樣就照叫番以前食開個"滷肉飯"同"刀削麵"食至得。侍應用盤送上套餐,有滷肉飯,前菜同小食,我揀咗金菇肥牛。前菜係醃過嘅青瓜同素肉,OK啦。至於滷肉飯水準依舊,並冇失手,滷肉唔太鹹啱啱好,仲有半隻鹵水蛋。小食係白芍金菇肥牛加汁料,都算大碟,清清地幾ok喎。朋友叫嘅刀削麵就爭少少,主要係刀削麵本身質地麻麻,小小淋得滯,唔夠煙韌囉,而且叫咗擔擔麵湯底,湯底得花生醬味冇乜麻醬味,所以就係成碗麵爭少少,好彩個小食鹽酥雞粒補番數。最後送上餐飲,珍珠奶茶就standard味道喇,估唔到熱百香果紅茶幾大杯同埋幾好味。整體嚟講價錢合理,可以再食,下次我會叫麵試下先得。我見到一路食,一路有人叫外賣,所以呢間餐廳應該都係抵食之選。
侍應用盤送上套餐,有滷肉飯,前菜同小食,我揀咗金菇肥牛。前菜係醃過嘅青瓜同素肉,OK啦。至於滷肉飯水準依舊,並冇失手,滷肉唔太鹹啱啱好,仲有半隻鹵水蛋。小食係白芍金菇肥牛加汁料,都算大碟,清清地幾ok喎。
朋友叫嘅刀削麵就爭少少,主要係刀削麵本身質地麻麻,小小淋得滯,唔夠煙韌囉,而且叫咗擔擔麵湯底,湯底得花生醬味冇乜麻醬味,所以就係成碗麵爭少少,好彩個小食鹽酥雞粒補番數。
最後送上餐飲,珍珠奶茶就standard味道喇,估唔到熱百香果紅茶幾大杯同埋幾好味。
整體嚟講價錢合理,可以再食,下次我會叫麵試下先得。我見到一路食,一路有人叫外賣,所以呢間餐廳應該都係抵食之選。
張貼
