影片
更多
2020-04-11
4473 瀏覽
星期日下午出開旺角，食個午飯先，好耐無食過韓國菜，但又唔想食燒肉，所以就去咗726幢嘢間鳳雛燉雞。一去到唔使等位，就入得，而且仲可以坐卡位。雖然無風景可言，但感覺點都係開揚啲，令人心曠神怡😂。我朋友嚟到先同我講唔想食招牌菜🐔！但我係因為之前食過燉雞覺得唔錯先話嚟，而家真係考起我囉，食乜好呢。餐廳嘅食物選擇好彩都算多，除燉雞外，都有炸雞、雞蛋卷、部隊鍋同鐵板烤肉等。可惜Weekend唔做Lunch Set，我見價錢都係$6x，抵好多。上主菜之前，首先有三款韓式前菜，泡菜好辣🌶，芽菜好食，醃青瓜比較少見，但都辣！🐟魚糕湯($128)，呢個係其中一個我最愛嘅韓國菜，雖然每次叫呢樣，心入面都會覺得好唔抵，因為係魚蛋湯姐嘛，算不上用上任何新鮮食材。但奈何我又覺得清清地，幾好飲🤤。魚糕湯係超級滾熱辣咁送到我哋枱面，即刻加哂分。雖然呢到嘅魚糕唔算特別好味，但勝在份量多，反而索味嘅蘿蔔仲吸引。再者，醉翁之意不在酒，我鍾意係個湯本身🥣。因為個湯好夠味，好好飲，有啲似味精令人上癮嗰種，但我肯定唔係，因為飲完都無口乾；而且個湯落咗唔少胡椒去煮，所以微辣、好正，全部飲哂。🐮鐵板烤牛肉($188)，本身第一個感
星期日下午出開旺角，食個午飯先，好耐無食過韓國菜，但又唔想食燒肉，所以就去咗726幢嘢間鳳雛燉雞。一去到唔使等位，就入得，而且仲可以坐卡位。雖然無風景可言，但感覺點都係開揚啲，令人心曠神怡😂。
我朋友嚟到先同我講唔想食招牌菜🐔！但我係因為之前食過燉雞覺得唔錯先話嚟，而家真係考起我囉，食乜好呢。餐廳嘅食物選擇好彩都算多，除燉雞外，都有炸雞、雞蛋卷、部隊鍋同鐵板烤肉等。可惜Weekend唔做Lunch Set，我見價錢都係$6x，抵好多。
上主菜之前，首先有三款韓式前菜，泡菜好辣🌶，芽菜好食，醃青瓜比較少見，但都辣！
魚糕湯
$128
107 瀏覽
0 讚好
0 留言
魚糕湯
$128
63 瀏覽
0 讚好
0 留言
雖然呢到嘅魚糕唔算特別好味，但勝在份量多，反而索味嘅蘿蔔仲吸引。再者，醉翁之意不在酒，我鍾意係個湯本身🥣。因為個湯好夠味，好好飲，有啲似味精令人上癮嗰種，但我肯定唔係，因為飲完都無口乾；而且個湯落咗唔少胡椒去煮，所以微辣、好正，全部飲哂。
鐵板烤牛肉
$188
70 瀏覽
0 讚好
0 留言
🐮鐵板烤牛肉($188)，本身第一個感覺係索價咁貴嘅，差唔多成兩舊水喎。不過一上菜我就知，呢碟鐵板牛係對得住個價錢。因為份量係巨人級，四個人都夠食，牛肉超多，每片都大大片，另外仲有好多菇、洋蔥同魚片一齊炒。
鐵板烤牛肉
$188
45 瀏覽
0 讚好
0 留言
烤牛肉除咗多之外，最重要係佢好好味😋，餐廳唔係用肥牛片，而係用上比較厚身嘅牛肉，肉味濃郁，而且一啲都唔碎濕濕。加上個燒烤汁好惹味，白飯都食多兩碗。不過食到最後，個汁凍咗就變得有啲油，所以建議襯熱食！
🍚白飯($10/碗)，由於個鐵板烤牛肉係無粉絲墊底嘅，所以要加飯配食，如果唔係會浪費咗個汁。本身只係叫咗一碗飯，但撈埋汁，一個人都嫌唔夠食啦，所以最後係「兩碗Thanks」！我哋驚要嗌第三碗飯，所以叫店員第二碗飯裝大碗啲🤣，果然真係大咗✌🏻。呢到嘅白飯雖然只係白飯，但夠鬆軟。
總括嚟講，我估唔到原來招牌燉雞以外嘅菜式都好好食😋，定價就咁望係唔平，但味道同份量補返數，而且我哋呢到嘅量實在係三個人都夠食🙈。最後，我想讚下餐廳唯一一位嘅女店員，得佢一個負責哂樓面所有嘢，但佢都好企理，而且最緊要係佢有幫我加飯，Thx🙏🏻。
張貼
