漁川米線 (荃灣街市街) (已結業)

一向唔多食魚嘅我，今晚竟然跟個FD食魚湯米線, 荃灣係米線之都, 大把米線鋪選擇.呢個水煮鯇魚片唔係太辣，而且個魚湯好甜、好濃。魚片完全無骨，啖啖肉，配上酸菜、蒜子，真係超正，我見到有d客人連湯飲埋。呢間餐廳，除咗提供一般米線、拉麵、米粉之外，仲可以選擇兒時回憶嘅銀針粉，加埋呢個湯頭，我居然成碗食哂！有幾款小食，仲係自家製嘅，香炸鯪魚球、手打墨魚餅等等，全部都好彈牙，又熱辣辣。對食魚突然好有興趣，完全改觀⋯⋯下次一定要再去先得。