農耕記 湖南土菜 (東港城)

營業中

休息中

星期五收工同朋友去左東港城行商場，商場有好多餐廳都食過，正愁緊唔知食咩既時候，一間招牌好搶眼既餐廳映入眼簾，正是食湖南土菜既農耕記，原汁原味既店舖裝修令食客有身歷湖南既感覺！打開菜單，樣樣野食都好吸引，我地好快就揀到食咩野！第一樣先黎個蒜蓉粉絲蝦仁，作為打頭陣既菜式冇得輸！第二道菜叫左招牌湖蝶魚，簡單既芹菜炒魚，已經好好食👍🏻！第三道菜叫大碗花菜，味道正常！第四道菜叫蒜蓉蕃薯葉，本身已好鍾意食蕃薯葉，一見到有依個菜式立即叫，諗都唔洗諗，好有鑊氣，略為美中不足既就係太多油，如果可以少番啲油，成道菜就更加perfect!最後一道菜就係果木脆皮烤雞，個人覺得咁多道菜入面最鍾意食既一道，烤雞皮脆肉嫩，沒有一絲鞋既感覺，加上果木香配料，真係好食到爆！食得湖南土菜依啲咁濃香既菜式點可以唔飲野，鮮榨既香水檸檬茶，茶香檸濃，一啖菜一口茶，真係冇得彈！值得一讚既係店員既服務態度都好好！推薦各位朋友仔一試！