潮福蒸氣石鍋 (已結業)

一家人帶住父母食乜好，去潮福食蒸氣海鮮鍋實岩食，又有新鮮海鮮食，價錢又合理公道，都吾錯。去到先點了粥底，放定入鍋底慢慢用蒸海鮮嘅水嚟煲粥，精華係晒粥底，粥係金黃色嘅，最後記得留肚食，超正。佢有吾少套餐選擇，點了生猛鮑魚餐，六位用嘅，平日星期一至四都係$1188咋，都幾合理，每人都係200度，我地八人去照計返，當中套餐都有吾少海鮮包左，鮑魚餐當然有鮑魚，仲有大元貝，貴妃蚌，龍躉件等，全部都好新鮮鮑魚係用蟲草花嚟蒸嘅，肉質彈牙，吾錯嘅龍躉都好嫩滑，仲有一大盆硯丫青口等，都幾鮮味，冇食到沙除左海鮮，套餐仲有脆皮燒乳鴿，熱辣辣上碟好香，皮都幾脆，肉都幾嫩滑仲有蠱草花蒸雞，和牛粒等，和牛就咁蒸原來好好食，牛仲保留左肉汁，食落好滋味，雞就不過不失，份量好多，食吾晒。最後不得不提，蒸馬拉糕，原本都已經好飽不打算食，不過丫媽話吾好浪費食左先知正，佢暖粒粒，超鬆軟好香蛋味，食落好舒服，比平時就咁食馬拉糕好食多了，建議好飽都試下，我覺得好好味。最後當然整返碗粥啦，食完個肚暖粒粒，好幸福丫。