BLT Burger (已結業)

喺香港，好食嘅漢堡包好多，但係大部份都好貴！照呢個價錢嚟講就真係好難接受。今日第一次幫襯，兩個人唔敢點太多嘢，先點了一份 mix vegetables salad, 一份 Classic Burger combos, 一份CAB burger同埋一杯 milk shake, 结果全軍覆沒！首先個saIad啲菜全部"淋"嘅，一啲都唔脆口，個汁醬酸到不得了 ，零分！蔬菜如果太早切好又唔做好保鲜工作嘅話就會攪成咁，汁醬就肯定無試味就比客人食！再嚟杯 milk shake 實在太甜，甜到頂唔順先叫人換過一杯 好彩啲服務員都好有禮貌，加分 第三樣就係薯條，上抬時先食一條，又係唔脆嘅， 零分！到最後主角漢堡包，兩個包都唔錯，不過我哋叫五成熟，但咬開只見到少少红色，肉汁更加欠奉！不過濃郁嘅美國牛肉味挽回唔少分數 ！總括黎講，收呢個價錢我唔會再幫襯！食材唔錯,但係煮得差，浪費！