日本野 (已結業)

👧🏽：今晚食咩呀~👩🏻：日本野囉👧🏽：邊間日本野呀👩🏻：上次食mini Friday隔離個間囉👧🏽：喔~ 咁即係邊間呀👩🏻：XYZXYZXYZ「日本野」主打多款日本料理，有石燒牛、丼飯、炒飯、鍋物、串燒、壽司、刺身等等。餐廳裝潢簡約，以淺木色為主調。兩人枱偏細，枱與枱之間距離唔算太遠，如果坐到卡位，會較為舒適。指定晚餐 奉送湯/沙律、咖啡、茶或汽水一杯，仲可以追加小食。▪️和牛壽喜燒 $198和牛大大片，有一定厚度，肉質唔柴有牛味，不過就有少少筋位。雖然和牛只有兩塊，但都算幾大大大塊，成塊塞晒入口都幾滿足！鍋入面都有唔少配料，有金菇、白菜、大蔥等等，每款都索滿甜甜地既壽喜燒湯汁。仲有幾舊好滑既豆腐。壽喜燒可選配飯或烏冬，烏冬都算彈牙，不過小心唔好煮咁耐煮到淋晒呀。▪️溫泉蛋和風燒牛肉丼 $168篤穿溫泉蛋個下真係好治癒~燒牛肉偏柴，略嫌七味粉落得有啲多，蓋過左牛香。超流心既温泉蛋 蛋味都幾濃，撈飯一流。飯底亦充滿牛汁，成個丼飯食落都幾濕潤，唯獨牛肉較為失色。▪️芝士年糕 (2件）+$28晚市套餐追加小食！就點左近乎每次見到都會嗌既芝士年糕~ 即叫即炸熱辣辣，金黃香脆。外層炸皮薄脆，內裡滿滿流