茶王冰室 (洗衣街) (已結業)

昨日午飯時間一個人路過，見係「茶王」招牌，係時候食嘢，又想飲杯茶走，就入去試試。有空位就知有啲唔對，午飯時間，仲係旺角，算，坐低試吓啦。午餐餐牌選擇有限，惟有叫左個蔥油鴛鴦扒飯，跟餐茶走，應該比較穩陣。嚟到碟飯真係普普通通，一小塊西蘭花，煎雞扒加煎豬扒，唔怕油多不妨試吓，$55一個午餐，一般人應該冇乜太大期望，可以入口。試一試杯茶走，真係可以走，雖然大大杯，但味道一般，仍有好多改善空間。速速食完飮完就走，可以不用回頭。