北海道牧場餐廳 (已結業)

今日同同事一行3 人早少少出去食晏, 12:30 左右去到北海道牧場餐廳, 一去到門口已經塞滿哂人, 等左差不多20 分鐘, 叫到我張飛了, waitress 叫我等等因為執緊台, 好啦再等~ 之後我發現佢竟然叫後幾個 number 的3 人入得去, 我即刻喝住個waitress, 佢先記得我地~!! 發夢~~算啦, 入到位即刻叫野食, 我地叫左3 個餐, 同事叫左叉燒飯。點知1pm 落單, 一等就等超過45分鐘, 超耐!!!, 我地坐的位置近出餐位, 但坐到1:40pm都一直唔見有任何飯捧過出來, 侍應們都彈出彈入, 因為拿錯野食又彈返轉頭, 不停催單, 大家都好似好忙咁, 在場的客人好多都好鼓譟, 大家都趕住返工ma… 快d 啦唔該, 我見有幾個客直頭自己行埋去出餐位置催佢地tim! 最離譜的係, 出餐位的阿姐不停在pack 外賣, 大佬, 全場大部份客人都未有野食, 做左堂食先啦~!! 終於… 要等到1:50pm 先齊哂我地的餐! 其中一個同事因為趕住開會, 都要走先, 我幫佢打包個飯返去, 唉~!! 呢間餐廳, 去過一次夠了, 火~!!