更多
2018-10-07
209 瀏覽
去大角咀做完嘢7點幾,一路行返旺角方向睇下有乜嘢好嘢食.行到攰嘅時候,咁啱經過呢間舖頭,侍應親切咁樣招呼我哋入去,就順下佢意啦~入到去先發現有啲唔妥.我本身個人好怕熱,呢間舖頭雖然有冷氣,但係冇大門,又唔覺有風閘.即係就算有冷氣都會走曬出街,而且咁啱唯一嘅卡位又喺正門口位.係自己揀嘅,冇計唯有拿拿林食完走人啦.啱啱坐定都未睇餐牌,侍應就走埋嚟問我哋食乜,咪話諗一陣先囉.過咗30秒左右,同一個侍應又走埋嚟問食乜,我哋都係搭同一句,重複咗三次.到最後我哋決定咗,同另一個侍應落單話要油泡田雞,佢竟然問我乜嘢油泡田雞.我點知道呀,餐牌咁寫我咪咁讀囉-_- 我話我唔知,佢就變咗一碌木頭咁企喺度,又唔走又唔跟進,雖然只係dead air咗幾秒,但就好似過咗一世紀.最後我唯有堅持我要油泡田雞,佢終於肯落單,呢個到底係乜嘢玩法!!!另外我哋仲叫咗羅定豆豉爆雞,好彩佢無問我羅定豆豉係乜嘢,唔係我拍枱走人都似.因為熱辣辣,餐廳又唔自動自覺畀水,叫2杯水叫咗成世先至到因為唔係套餐,分開叫咗一個湯,係粟米蘿蔔雞腳湯,價值十蚊雞.湯比較濃味,雞腳都唔少,蘿蔔味好出,粟米又好甜,質素唔錯,值番呢個價錢.野食嚟得好
行到攰嘅時候,咁啱經過呢間舖頭,侍應親切咁樣招呼我哋入去,就順下佢意啦~
入到去先發現有啲唔妥.我本身個人好怕熱,呢間舖頭雖然有冷氣,但係冇大門,又唔覺有風閘.即係就算有冷氣都會走曬出街,而且咁啱唯一嘅卡位又喺正門口位.係自己揀嘅,冇計唯有拿拿林食完走人啦.
啱啱坐定都未睇餐牌,侍應就走埋嚟問我哋食乜,咪話諗一陣先囉.過咗30秒左右,同一個侍應又走埋嚟問食乜,我哋都係搭同一句,重複咗三次.到最後我哋決定咗,同另一個侍應落單話要油泡田雞,佢竟然問我乜嘢油泡田雞.我點知道呀,餐牌咁寫我咪咁讀囉-_- 我話我唔知,佢就變咗一碌木頭咁企喺度,又唔走又唔跟進,雖然只係dead air咗幾秒,但就好似過咗一世紀.最後我唯有堅持我要油泡田雞,佢終於肯落單,呢個到底係乜嘢玩法!!!
另外我哋仲叫咗羅定豆豉爆雞,好彩佢無問我羅定豆豉係乜嘢,唔係我拍枱走人都似.
因為熱辣辣,餐廳又唔自動自覺畀水,叫2杯水叫咗成世先至到
因為唔係套餐,分開叫咗一個湯,係粟米蘿蔔雞腳湯,價值十蚊雞.湯比較濃味,雞腳都唔少,蘿蔔味好出,粟米又好甜,質素唔錯,值番呢個價錢.
野食嚟得好慢,好彩雞煲係熱辣辣嘅,上枱嗰陣仲有啫啫聲.隨手用筷子撩一撩,見到雖然好多雞,但係轉彎位好多,真正係肉嘅份量就好少.而且雞肉又老又鞋,油冧冧得嚟又乾淨淨喎,乾到係大力一壓就會斷嘅地步,感覺似湯渣.
油泡田雞煲就相對好啲,有蘑菇,韭黃,蔥頭做配菜,無頭先嗰煲咁油膩.田雞比較大隻,所以雖然係夠曬大啖啖肉,但係肉質比較老,滑就係唔滑㗎喇,但起碼冇咁乾先吖,比較容易入口.不調味調得鹹咗啲,油同鹽輕手少少會好啲.
張貼