影片
更多
2015-10-02
1704 瀏覽
在開飯見到無寫地鐵乜口出，好彩原來一出就到，係正對面，地方真係好好找呀！今晚真係好彩喇，落雨都無有怕，因為出門已見有點毛毛雨，但又懶喎，因為手袋想咩得輕鬆一d嘛！！是夜由於工作完滿結束，當係慶祝一下，而愛吃蠔的我，正值今日又係中秋佳節，不想家人煮得咁辛苦了，干脆一起出街食好D，辛苦得黎志在食嘛！！一坐低，店員已奉上連殼花生做小食，不過個人並不感興趣 把心一橫，一口氣點上十隻即開生蠔，來吃個痛快！餐廳餐牌上寫著即開生蠔，建議在15分鐘內吃完！傻啦，十隻真係濕濕碎啦，澳洲人一次食一打，其實都不過是等閒事。從前，我是不吃生蠔的，連蠔屎我也不接觸，但自遠赴悉尼讀書後，真的一試難忘，大概是因為新鮮原故，滑溜無比，齒脥留香，自此我便開始吃起蠔來，只是香港地要吃到新鮮又質高的蠔不易，很多時給貴點的價錢，亦只能吃到稍為可以接受的水平，even 去那些法國餐廳吃蠔，儘管選擇不少，但好吃鮮味的就不多！說實話，澳洲的蠔種從來就不是很肥美，但在於個人的情意結問題，卻情有獨鍾！這兒亦有不少選擇，但個人不愛重金屬味的蠔種，所以便全點上來自澳洲塔斯曼尼亞的生蠔 由於顧住映相，並無一來即食，置在餐台上，聞到蠔香飄
在開飯見到無寫地鐵乜口出，好彩原來一出就到，係正對面，地方真係好好找呀！今晚真係好彩喇，落雨都無有怕，因為出門已見有點毛毛雨，但又懶喎，因為手袋想咩得輕鬆一d嘛！！
是夜由於工作完滿結束，當係慶祝一下，而愛吃蠔的我，正值今日又係中秋佳節，不想家人煮得咁辛苦了，干脆一起出街食好D，辛苦得黎志在食嘛！！一坐低，店員已奉上連殼花生做小食，不過個人並不感興趣
把心一橫，一口氣點上十隻即開生蠔，來吃個痛快！餐廳餐牌上寫著即開生蠔，建議在15分鐘內吃完！傻啦，十隻真係濕濕碎啦，澳洲人一次食一打，其實都不過是等閒事。從前，我是不吃生蠔的，連蠔屎我也不接觸，但自遠赴悉尼讀書後，真的一試難忘，大概是因為新鮮原故，滑溜無比，齒脥留香，自此我便開始吃起蠔來，只是香港地要吃到新鮮又質高的蠔不易，很多時給貴點的價錢，亦只能吃到稍為可以接受的水平，even 去那些法國餐廳吃蠔，儘管選擇不少，但好吃鮮味的就不多！
說實話，澳洲的蠔種從來就不是很肥美，但在於個人的情意結問題，卻情有獨鍾！這兒亦有不少選擇，但個人不愛重金屬味的蠔種，所以便全點上來自澳洲塔斯曼尼亞的生蠔 由於顧住映相，並無一來即食，置在餐台上，聞到蠔香飄溢，實在真能令我想起從前去fish market的光境呢！這蠔size大小不一，個人認為幾易入口的，因為味道有很強海水咸味，after taste 帶點甜味，仲有些少青瓜香
由於蠔味都幾濃郁下，通常我會一定加上檸汁同吃，今次亦有點些茄汁，令這盤蠔宴更易入口
本來想叫車打芝士焗薯條，但好傷心黑仔囉，竟然又話賣曬…… 真想喊！所以今日唯有食健康少少，點左個感覺上無咁特別的……
玫瑰三文魚沙律98內容有不太咸的煙三文，車厘茄，青瓜，生菜和橄欖！預料一樣三文魚份量不多，但也沒太少，菜出奇的好新鮮，成碟沙律份量不少，女仔來絶對可以做主食呀！
日式安格斯牛柳粒108份量都真不少，但吃時已是微暖，面頭有我最愛的木魚絲，真心喜歡。底層是椰菜絲，附上的芥末我認為可以不點，因為安格斯本身牛味已幾濃下，醬汁反而蓋了本來的牛味。牛粒有點肥，我咬開了沒吃un的部份，燒牛粒用了點黑椒芝麻粒吊味，沒有太重手，而牛肉也沒煮得太熟，不會好老，且帶點肉汁，其實不錯，只是如果可以熱辣辣咁上台會更好囉！
Sea Smile98本來想點朱古力曲奇沙冰的，但點餐時，店員話較重酒味，見情况好似無得叫佢俾少d酒咁，於是就點左另一杯話少點酒精的蘋果沙冰，酸酸地咁
飲品好香青蘋果味，酒味無呃我，唔係好多，而杯ya亦幾大杯下，足夠兩個人happy share 了，加上夠曬大呀，賣相顏色都幾柔和，淺藍同黃色咁做主打，喝到底部有些梨沫，可能係我太唔飲得酒啦，飲到最後真係不勝酒力，有點醉了……
呢度氣氛真係唔錯，酒吧風格，播住英文情歌都令人感覺幾舒服輕鬆的，我本身人就是愛炸機，聽到這些音樂，簡直令我整個人想跳舞起來呢！而食物都唔曳，好像不多酒吧餐廳有即開生蠔食，齋呢點已經俘虜左我個心了！嘻嘻…… 下次好想同朋友黎摸住杯底吹吹水，一定會更開心嫁姐
今次無被安排坐卡位，相信坐卡位sofa會更舒適，因為今次坐的高櫈實在對於細細粒的我，上落有點難度。然而這夜在晚飯時間來，沒有太嘈吵的人群，坐得就格外舒服喇，地方很好找，路盲的我是會再來的！
食完蠔宴，離開餐廳後，輕lum唇邊，還剩咸香，十分滿足
張貼
