Uncle Pizza, Pasta & Grill (已結業)

好少喺中環SOHO區食嘢，今晚約咗朋友去搵食及感受一下當區的氣氛。行吓傾吓，不知不覺地行到中環伊利近街25號地下的Uncle Pizza，Pasta & Grill，雖然是一間小小的店舖，大約有六張4人枱左右，但座位尚算寬敞。店舖除了有多款以Uncle命名的Handmake pizza外，還有沙律，前菜，湯，烤肉，意大利飯及甜品。仲有多種款式的酒，適合三五知己一邊傾偈一邊暢飲。我們選了一個八吋嘅Pizza和一個沙律做晚餐。Caesar Salad with smoked salmon$118用煙三文魚造成4朵花的沙律，賣相已很吸引；淡淡煙熏味的三文魚，口感鮮嫩，加埋鬆脆的蒜香麵包粒，脆脆的煙肉粒，新鮮爽脆的羅文生菜，再撈埋個沙律醬，口感豐富。Uncle DY HAWAIIAN Pizza$158Pizza主要有火腿，菠蘿，及兩款芝士：Chedder同Mozzarella，由於是手工Pizza即叫即做，上枱時，熱辣辣香噴噴，餅底脆卜卜的pizza加埋火腿，菠蘿及香濃的拉絲芝士，好好味。