埠 (已結業)

男朋友話今日想帶我食日本嘢，本身以為佢會好hea的我去商場食大集團，點知佢竟然車咗我嚟碼頭！嗅到陣陣海水味，聽到海浪聲，以為自己去咗旅行！原來有間日式小店㗎呢度！入到嚟，裝修好日式！ 唔係大間，更顯得地道 一坐底友善嘅店員已放下兩杯熱茶我哋先叫個沙律 - 日本水菜蕃茄沙律大大個蕃茄非常新鮮Juicy! 配埋特製嘅汁，非常開胃！之後緊係食吓串燒！會比個爐仔你燒住，所以慢慢食都得，唔洗怕放得耐凍咗 睇相都知好食 全部都非常香口又唔燶 我個人私心推薦豚肉露荀卷 非常好嘅配搭，又唔怕太油，又健康！我亦好鍾意流心鵪鶉蛋！真係好少見，而且鵪鶉蛋已剝殼，好貼心~淨食串燒男朋友邊夠飽所以我哋叫咗個釜飯！ 釜飯有蛋，香蔥，同埋脆脆！口感好食又特別！非常香口，我極度推薦！多謝男朋友車我嚟，又發掘多間好嘢了