影片
更多
2017-05-17
79 瀏覽
朋友介紹下上個星期六去左長沙灣食依間西餐廳，比較少踏足長沙灣，但餐廳非常易搵，地鐵站a2一出一直向前行就到。餐廳分開兩邊，我地就係比較黑有情調d個邊，牆上嘅油畫加上枱上嘅小蠟燭，睇得出餐廳係裝修下左點心機。我地一行四人總共叫左3份set dinner加啲小食share，跟餐會有餐湯，蒜蓉包同沙律，頭盤已經非常豐富。今日餐湯係一般嘅忌廉粟米湯，加芝麻醬沙律，蒜蓉焗得剛好，不會太燶或太軟。香煎雞翼配薯角跟斧頭扒餐送嘅小食，我地就揀左雞翼同薯角，即叫即炸的，兩樣野上到枱都仲好脆口。生蠔併盤總共叫左9隻生蠔，size偏細，但非常新鮮，有海水味，而且細細隻夠鮮甜。香煎厚切美國牛脷伴薯條牛脷非常嫩滑，夠厚份量足，意料之外係足足有5舊牛脷，配上蒜蓉汁，而配菜都好有心機，唔係平時出面食個d清水冇味配菜，全部都好夠味。烤焗紐西蘭羊架配薯菜羊架切開上有三舊，份量適中，肉質嫩滑，唔會太硬，冇羊騷味，配薯菜剛好可以解肉嘅膩，薯角炸得剛好，夠脆口。美國頂級安格斯16安士連骨斧頭扒伴意粉牛扒份量十分大，果然十足十一把斧頭，大份到係牛扒連骨會大話隻碟，熟嘅程度剛好，唔會太硬，切嘅時候有勁多肉汁漏出嚟，配上黑椒汁，但
朋友介紹下上個星期六去左長沙灣食依間西餐廳，比較少踏足長沙灣，但餐廳非常易搵，地鐵站a2一出一直向前行就到。
餐廳分開兩邊，我地就係比較黑有情調d個邊，牆上嘅油畫加上枱上嘅小蠟燭，睇得出餐廳係裝修下左點心機。
我地一行四人總共叫左3份set dinner加啲小食share，跟餐會有餐湯，蒜蓉包同沙律，頭盤已經非常豐富。今日餐湯係一般嘅忌廉粟米湯，加芝麻醬沙律，蒜蓉焗得剛好，不會太燶或太軟。
香煎雞翼配薯角
跟斧頭扒餐送嘅小食，我地就揀左雞翼同薯角，即叫即炸的，兩樣野上到枱都仲好脆口。
生蠔併盤
總共叫左9隻生蠔，size偏細，但非常新鮮，有海水味，而且細細隻夠鮮甜。
香煎厚切美國牛脷伴薯條
牛脷非常嫩滑，夠厚份量足，意料之外係足足有5舊牛脷，配上蒜蓉汁，而配菜都好有心機，唔係平時出面食個d清水冇味配菜，全部都好夠味。
烤焗紐西蘭羊架配薯菜
羊架切開上有三舊，份量適中，肉質嫩滑，唔會太硬，冇羊騷味，配薯菜剛好可以解肉嘅膩，薯角炸得剛好，夠脆口。
美國頂級安格斯16安士連骨斧頭扒伴
意粉
牛扒份量十分大，果然十足十一把斧頭，大份到係牛扒連骨會大話隻碟，熟嘅程度剛好，唔會太硬，切嘅時候有勁多肉汁漏出嚟，配上黑椒汁，但其實牛扒本身已經好夠味唔掂黑椒汁都ok，意粉同薯菜都不過不失。
跟餐每人仲有杯餐飲，同朋友一路食又傾下計，原來食左一個半中有多，但餐廳都冇趕我地走，絕對適合同朋友嚟食，可以慢慢食坐下傾下計。
張貼
