令和居酒屋

營業中

休息中

呢間居酒屋出咗名好耐，第一次嚟試，價錢抵食得黎，款式選擇多，味道好高質😎成晚坐爆場一入到去就已經成個日本感覺出晒嚟，好掛住日本呀!我非常欣賞餐廳嘅餐具，好精緻一定係有用心配襯過。❁串燒拼盤 $138共七款(秋葵、大蔥、手羽、雞皮、雞軟骨、大蔥豚肉、金菇肥牛卷) 有菜有肉咩都有，份量大，十分抵食。個人比較喜歡大蔥豚肉串，仍然保留到食物嘅鮮味。❁鹽燒大蝦 $200g $88燒得好靚仔😎鹽味充足，蝦味爽口彈牙。❁清酒生蠔 $28@第一次食清酒浸過嘅生蠔，酒嘅香氣令蠔肉味道更濃郁，價錢十分實惠，一場嚟到一定要食返隻。❁清酒 $368你間餐廳有超多款日本酒比大家選擇，鍾意清酒🍶嘅人可以大飲特飲。店員推介我哋飲呢支，唔算太難入口，口感溫和，啱女仔飲。