Shoreditch (已結業)

今次我又尋春，又揀港島西，此處供應英國菜，以為只得炸魚薯條或班尼蛋，其實還有其他選擇。 這裏三邊用黑色細木窗框裝嵌於落地玻璃，像活動電視機，不斷閃動街外情景，內裏概念為英國Shoreditch城市街景，有如置身該市。 這裏有happy hour,紅白酒有半價，约$50杯，抵飲，以為威士忌都有，點杯Macallan 12yrs$110,埋單先知無半價，已為香味與眾不同，但一般，下次有機會再試清楚的。太陽炒老闆魷魚，好放鬆 ，好爽，點半打$198,鮮味，壳大，肉薄。 炸羊肉雲吞$108，皮卜卜脆，好香口，像脆麻花，羊肉餡少少羶，惹味，配啤酒一流，配威士忌酒調制芥辣醬，略咸不夠香，可不用或蘸點就夠。 炒野菌扁意粉$168,多菌爽口，勝咗無忌廉溝，無咁稠，多芝士碎，夠香，不拉絲，合意，味宜。 慢煮豬腩肉$218，看食評的相好吸引，我愛豬豬，點會走出我的牙罅，上枱同期望一樣，但豬皮脆度一般略厚帶靱，而且少瘦肉，8成肥膏.啫喱狀，無肉味，失望，我渴望五層肉，肥廋平均，所以無乜嘢可以食。 反而喜歡配菜紅蘿蔔仔、薯仔甜，有黑色炸物？原來薑皮，幾特别，忌廉薯蓉～滑，要加埋蘋果酒汁，香香酸甜，好開胃。