新惠和

營業中

休息中

好耐冇去過塔門，今次入去諗住行吓影吓相，咁當然食嘢都唔少得啦！由於太耐無去，所以都上網睇咗啲資料，發現呢度嘅海膽炒飯同海膽三文治都好受歡迎喎，於是就同老公入去試吓啦可能塔門冇咩嘢食，所以間舖都幾多人，一入到去，一望個價錢都有少少貴，但一場黎到都冇理由唔食。我哋就叫咗個海膽炒飯同海膽三文治，等左都幾耐，但係都值得等嘅，因為一食就覺得好鮮味，我本身唔係好識海膽，但係都覺得好香好好味，而且份量都唔細㗎，我哋兩個人都食唔晒，但係由於太貴唔想嘥，慢慢慢慢咁都食晒佢老公仲嗌左個無冰凍奶茶，佢話味道都唔錯喎如果去塔門，我覺得一定要試吓啊