西餐大排檔

結婚周年紀念，當然要帶老婆大人食餐好慶祝一下啦。出門口前仲同佢講去大排檔食慶祝周年紀錄，佢仲面色一沉。
試問我又點會唔知老婆大人鍾意食西餐鋸扒喎，係佢估唔到我搵到間食西餐鋸扒嘅大排檔啫

餐巾繡上「西餐大排檔」字樣，氣派十足。

沙律、前菜及湯類每款都有幾種選擇

主菜除左鋸扒，也有海鮮或飯及意粉供應

乳酪蝦仔蛋沙律

$99

首先出場嘅係乳酪蝦仔蛋沙律--用爆珠黎做沙律都相當創新，加上新鮮蝦肉，非常爽口。

黑毛豬熱脆包

$89

推介這個黑毛豬熱脆包--
包身是暖暖的，夾著充滿肉汁的黑毛豬，咬著有種溶化的感覺。
記得食埋啲菠蘿呀，好清甜架!!

打開熱脆包可看到黑毛豬不比麵包小呀。
而且諗到用黑毛豬黎做豬扒包真係唔簡單啊。

黑松露蘑菇湯

$68

老婆大人本身都愛喝蘑菇湯，再加入黑松露，香氣撲鼻，味道提升。

海鮮肉骨茶

$89

由於滲入了魚蝦等海鮮的鮮味，海鮮肉骨茶的湯底清香鮮甜。

燒牛脷

$129

牛脷夠厚，口感較好，爽口有嚼勁但又唔韌，而且充滿牛味。

燒西班牙黑毛豬肉眼蓋

$229

還在回味剛才的黑毛豬熱脆包，侍應就奉上這個燒西班牙黑毛豬肉眼蓋。
黑毛豬嘅特質有點像和牛。脂肪會滲入肌肉中，入口柔軟，所以特別美味。
我本身係超愛食牛，但今晚食黑毛豬，第一次有個感覺其實豬係可以好食過牛囉

菠蘿雪葩

$79

最後甜品叫左菠蘿雪葩，菠蘿味香甜，似雪糕得黎又有啲似沙冰。
而且雪葩無牛奶，如果唔加糖直頭係低熱量甜品，食多D都唔怕肥啦。