梨滿園韓國料理 (已結業)

收工去咗旺角女人街搵嘢食，女人街有好多好嘢食，搵食之間，見到大大個banner被 “梨滿園”被深深吸引咗。因為係韓式炸雞，仲要放題，最緊要係 $1xx 百幾蚊咋!上到去地方闊落，坐得舒服。即刻坐底食個超抵食嘅炸雞放題。本身都有一刻諗住試韓燒，韓燒其實仲吸引!但都係炸雞啦，又平又好食!個放題套餐其實唔只係炸雞，仲有蛋卷同埋壽司，仲有一款嘅芝士雞，所以百幾蚊任食嚟講，冇得輸啦!炸雞口味仲有4款 (薑蔥味、甜辣味、芝士味、蜜糖味、秘製醬油味)炸雞非常香脆可口，味道好，汁醬仲正，本人推介薑蔥味，真心正!蛋卷又滑又香，紫菜係中間，配沙律醬，好味!芝士雞都可以食完又食，啲芝士又香又 “煙un”，食完要encore 再 encore。食到回晒本，百幾蚊食到非常滿足。總結嚟講，炸雞可以去 “梨滿園”試下。