新聯飯店

營業中

休息中

成日過嚟貝澳沙灘呢邊滑浪，每次都係喺沙灘行幾分鐘嚟呢度食，佢啲餐牌每日都唔同，每日都有大概10款嘢食可以揀，另外仲有佢哋平時啲炒麵炒飯，全部都大大碟！全部都會跟湯同白飯，個湯唔似味精湯，因為飲完都唔會特別口渴。食咗佢個星洲炒米，同平時茶餐廳嘅星洲炒米差唔多，冇乜特別，正正常常，但係個份量係好多，如果女仔食唔晒可以叫佢少麵。因為太大碟嘅關係有一半係打包，可惜餐廳嘅碗碗碟碟全部都係即棄嘅膠，係方便，但係有啲唔環保。