The Right Place (舊墟直街) (已結業)

距離大埔中心不太遠既舊墟直街，呢邊有唔少食肆，見到呢間The Right Place環境幽靜，想同朋友靜靜食餐飯、傾下計，似乎係唔錯既選擇✅餐廳水吧位好顯眼，陳列左唔同既酒，打開本飲品menu，提供各式各樣既酒。水吧隔離有個大屏幕，播緊music vedio餐廳內燈光昏暗，氣氛不錯。牛肉墨西哥芝士卷雖然係小食，但份量唔細，餡料好豐富，牛肉醃製過，味道濃郁又辣辣地，仲加埋三種醬料，任君選擇，適合唔同人口味。三文魚子八爪魚寬條麵將檸檬忌廉汁換咗墨魚汁，好欣賞麵條好爽口彈牙，八爪魚用咗檸檬汁癖味，有淡淡的檸檬香，醬汁覆蓋晒面條，好creamy緬因州龍蝦尾意大利飯話就話係龍蝦味，但係體積好大，啖啖肉，而且係用蒜蓉焗過嘅，好香。個飯就好多配料，大大件勝瓜片、玉子豆腐、蝦乾，口感豐富，飯粒又好煙韌多汁。雖然見到排場係專門係提供酒類飲品嘅，但係冇酒精類嘅飲品亦都有好多種，最後揀咗兩杯mocktail.Mango Tannin混合芒果清香同烏龍茶，入面仲有西米Jumper混合左糖漿、檸檬汁、梳打水，酸酸甜甜，幾開胃，又解渴