超哥印尼手打麵 (已結業)

同朋友路過深水埗一帶，轉左入哩間超哥印尼手打麵。佢嗌左一個撈河粉而我嗌左一個刨冰。建基於我唔食辣，而朋友又好似同自己個腸胃有仇咁落左唔少辣醬，我就冇試到個撈河粉。撈河粉既配料相當豐富，河粉本身有味但可以選擇自己加醋同辣醬。至於刨冰，佢本身係有紅豆綠豆，雜果涼粉同其他嘢。我叫左走豆，佢就加左更多既雜果涼粉比我！除左雜果涼粉之外配料仲有啲睇落好似東南亞特色食品既嘢，綠色一條條咁。刨冰味道幾夠，唔會話有啲位有味有啲位冇。總括而言，環境整體乾淨舒適，食物價錢合理，可以一試！