影片
更多
2016-11-10
2319 瀏覽
朋友約我地去土瓜灣打邊爐，問極佢間野叫咩名都話打邊爐，渣車去到附近，發現原來間野真係叫「打邊爐」，甘得意既！入內見到客人唔算太多，大概半滿，可能因為地點始終比較隔涉吧。但佢地食物種類都唔少，湯底過十款，上百款火鍋生料，仲有魚缸養住生猛海鮮。佢地張落單紙好得意，大大張過左膠，再用紅色marker落單，可以循環再用好環保，我0係台灣見到大部分既店都係甘。先上醉雞湯底，好懷舊的湯煲內係充滿藥材同酒香既湯底，聞到都已經流定口水喇。再上本地手切牛脊髓，睇落好新鮮，唔會過肥。輕輕過一過水就食得，味道好濃郁。海鮮方面選左珊瑚蚌同桂花蚌各半份，原來半份已經好大份，大概有十件。兩款蚌類都好新鮮，質感爽口，味道鮮甜。游水海鮮選左海中蝦同花甲，海中蝦不過不失而花甲就絕對係大驚喜。花甲睇落唔算大size，但中間既肉好大粒好厚。全部花甲都開盡，一粒不剩好新鮮。入口味道好驚喜，非常鮮甜唔需要點任何醬汁。脆肉鯇亦係另一驚喜，師傳刀功唔簡單，切到薄一薄。薄薄既一片，10秒已熟透捲起。口感非常爽口，而且肉質嫩滑，魚味濃厚，仲無咩骨添。其他食物基本上都好食，連埋海鮮同啤酒先係一人三百。多謝朋友又介紹我地一個新地方，岩哂最
入內見到客人唔算太多，大概半滿，可能因為地點始終比較隔涉吧。但佢地食物種類都唔少，湯底過十款，上百款火鍋生料，仲有魚缸養住生猛海鮮。佢地張落單紙好得意，大大張過左膠，再用紅色marker落單，可以循環再用好環保，我0係台灣見到大部分既店都係甘。
先上醉雞湯底，好懷舊的湯煲內係充滿藥材同酒香既湯底，聞到都已經流定口水喇。
再上本地手切牛脊髓，睇落好新鮮，唔會過肥。輕輕過一過水就食得，味道好濃郁。
海鮮方面選左珊瑚蚌同桂花蚌各半份，原來半份已經好大份，大概有十件。兩款蚌類都好新鮮，質感爽口，味道鮮甜。
游水海鮮選左海中蝦同花甲，海中蝦不過不失而花甲就絕對係大驚喜。花甲睇落唔算大size，但中間既肉好大粒好厚。全部花甲都開盡，一粒不剩好新鮮。入口味道好驚喜，非常鮮甜唔需要點任何醬汁。
脆肉鯇亦係另一驚喜，師傳刀功唔簡單，切到薄一薄。薄薄既一片，10秒已熟透捲起。口感非常爽口，而且肉質嫩滑，魚味濃厚，仲無咩骨添。
其他食物基本上都好食，連埋海鮮同啤酒先係一人三百。多謝朋友又介紹我地一個新地方，岩哂最鍾意打邊爐既我地。
張貼
