康和堂 (已搬遷) 新店位置

最近覺得個人好濕，例牌去康和堂飲番杯涼茶先。呢間比普通涼茶舖開得夜，所以放工都仲有得飲，雖然內心知道熱飲健康啲，好啲，但依家咁嘅天氣，始終都係忍唔住叫咗杯凍嘅五花茶🤣🤣。今晚一如以往，都係呢位叔叔看舖，好快手斟咗杯五花茶俾我，幾欣賞佢好細心，斟完之後會用布抹一抹杯邊啲水先比我。成日幫襯呢間，原因除咗佢開得夜之外，最重要係佢一啲都唔甜，之前飲過佢嘅銀菊露同紫背天葵，今次飲五花茶，個人比較鍾意清淡，有時好怕出邊啲涼茶舖嘅涼茶會落好多糖，而佢正正就合晒我口味。