美人鍋 (已結業)

知道APM新開左間美人鍋，今日同同事去左食lunch，lunch set係$168位，另收加一。由於早一日book左位，所以唔洗等位。一共有8款湯底，好多款都想試！調味料超多款揀，好抵讚。lunch set價錢已包任飲，除左有汽水之外，仲有茶包咖啡揀。兼且仲有果汁、蔬菜生果水揀，感覺好fresh。主角泥啦！我揀左骨膠原湯，配稻庭烏冬。食之前都忍唔住飲左幾啖湯先，飲得出啖啖膠質，好正好好味！每個set都會跟一碗colorful ge蔬菜。同事就揀左檸檬芫茜湯底，中意芫茜味ge千萬唔好錯過！個set仲有一份肉揀，雞肉或者豚腩肉，不過份量就偏少。連埋加一，每人$185，lunch set份量偏少所以感覺偏貴。呢到亦冇平時日式火鍋有丸、蔬菜等ge自助區，所以對女仔泥講份量係岩岩好，但對男仔就真係會唔夠飽。