McSorley's Ale House (士丹頓街) (已結業)

星期六上午嘅蘇豪相對人少，顯得清閒，係附近影左幾張街拍同壁畫之後，盪盪下見到呢間英式酒吧已經開左門，門面都幾大幾開揚，睇睇餐牌原來都幾多食物選擇。坐底叫左份All Day Breakfast，份量算豐富，不過不失，想讚嘅係侍應服務幾好，好好笑容，又會同你傾下計，可能日頭無咁多客人掛，店內仲有好多部電視，啱哂一班朋友嚟睇波，我諗有球賽嘅時候應該幾墟冚。餐牌仲有其他印度菜，應該係傳統英式餐廳嘅菜式，下次會再嚟試。