老三油渣麵王

營業中

休息中

本身唔多去土瓜灣既，友人帶過我食一次就返唔到轉頭，所以每次去親都一定留返個肚食呢間油渣麵，本身油渣麵已經唔多地方有，仲要好食喎，呢到一碗$36 可以另外加車仔麵餸，我唔大食，食一碗已經好飽。油渣麵(上海粗麵，走蔥，小辣)成日唔記得豬油渣另上唔好睇佢好簡單咁，佢d麵硬度適中，口感似粗d既烏冬，麵條順滑好易入口，蘿蔔夠林帶少甜，冬菇都係夠林仲超入味，主角豬油渣好似炸魚皮咁食法，浸一浸湯食，浸耐阻會林晒(所以記得油渣另上), 口感酥脆勁香口，冇豬酥味，正正！