糖心軒

營業中

休息中

年尾，請人食飯，要找高级地方，要見得人，又唔太貴，來此處試菜。依openrice指示在西營盤地鐵出口，從閘口行至地面，經過好長隧道约10至12分才到地面，出地面就是海味街，向左手再行5至8分，見到bis酒店，其實位置是上環尾，海味街頭，我認為上環站西港城行過來近些，老人家要有心理準備。酒樓簡潔裝修，即無乜設計，落地大電子螢幕，令格調低咗。午市點心餐單除一般點心外有魚蜃，魚趐，海參，鮑魚，魚肚及花膠產品，啱1至2人份量。點魚趐雞湯浸魚肚$52，上枱還有滖熱辣泡泡，湯好鲜味，夾雜魚肚海味味，勝瓜索咗湯味，誇啦啦，拍薑魚頭煲$65,多薑葱絲，半個新鮮大魚頭，魚頭湯~味清，點一碗白飯送。蛋黃蓮蓉桃包$35，我最鐘食蓮蓉包，要有蛋黃，要蒸，微波爐吾得，一般只有晚飯有得食，多數叫最少半打，今次當然吾會放過，漲卜卜，軟軟熱辣辣白雪雪皮，灑少許紅粉，蓮蓉的甜，蛋黄的咸，咸甜交融，妙雖然食物水準吾錯，但吾會揀此處請客，因此處食鮑參趐肚，吾食就浪費，所以請人食飯，out of my budget, 而且這裏兩頭吾到岸（地鐵）。食飽飽，去買海味。下午茶2時候，大中小點半價。