影片
更多
2009-12-17
57 瀏覽
16-12-2009答案係: 食海鮮! 有幸成為 C 太太生日飯的座上客, 仲要去食我最喜歡的海鮮, 多謝 C 氏伉儷的邀請 坐低先嚟一碟花生及雞翼尖 (!) 做前菜: 雞翼尖炆(?) 得入味, 軟腍得連 d 骨都咬得爛 食落帶麻油香, 少少酒香及甜味, 十分惹味, 相信送酒一樣正, 不錯的一客餐前小食 豉油皇煎蝦碌 (4 隻): 係大頭蝦, 蝦頭內 d 膏唔多, 不過幾香; 蝦肉就勁爽實, 而且做得香脆帶甜又幾乾身, 食落唔油唔膩, 正 蒜蓉粉絲蒸貴妃蚌 (4 隻): 貴妃蚌勁好肉地, 蒸得火喉不錯, 食落鮮嫩多汁; 最好食就如常係粉絲, 蒜蓉份量落得剛好, 吸埋蚌汁, 食落極級鮮甜, 送飯亦一流. 推介!豉汁粉絲蒸蟶子皇 (4 隻): 豆豉落得好多, 粉絲就較少, 蟶子皇 as expected 幾好肉地, 不過蒸得有點過火, 食落唔夠爽脆又乾了 d, 間中仲有「霹靂啪喇」的「沙」聲, 絕對有進步空間.炆鮑魚 (4 隻): 揀了「中鮑」, 十分鮮美, 炆得軟腍, 食落又有點彈牙 feel; 鮑汁就仲出色, 味道極級濃甜, 結果要追加白飯用嚟送汁, 正! 椒鹽
答案係: 食海鮮!
有幸成為 C 太太生日飯的座上客, 仲要去食我最喜歡的海鮮, 多謝 C 氏伉儷的邀請
坐低先嚟一碟花生及雞翼尖 (!) 做前菜: 雞翼尖炆(?) 得入味, 軟腍得連 d 骨都咬得爛 食落帶麻油香, 少少酒香及甜味, 十分惹味, 相信送酒一樣正, 不錯的一客餐前小食
豉油皇煎蝦碌 (4 隻): 係大頭蝦, 蝦頭內 d 膏唔多, 不過幾香; 蝦肉就勁爽實, 而且做得香脆帶甜又幾乾身, 食落唔油唔膩, 正
蒜蓉粉絲蒸貴妃蚌 (4 隻): 貴妃蚌勁好肉地, 蒸得火喉不錯, 食落鮮嫩多汁; 最好食就如常係粉絲, 蒜蓉份量落得剛好, 吸埋蚌汁, 食落極級鮮甜, 送飯亦一流. 推介!
豉汁粉絲蒸蟶子皇 (4 隻): 豆豉落得好多, 粉絲就較少, 蟶子皇 as expected 幾好肉地, 不過蒸得有點過火, 食落唔夠爽脆又乾了 d, 間中仲有「霹靂啪喇」的「沙」聲, 絕對有進步空間.
炆鮑魚 (4 隻): 揀了「中鮑」, 十分鮮美, 炆得軟腍, 食落又有點彈牙 feel; 鮑汁就仲出色, 味道極級濃甜, 結果要追加白飯用嚟送汁, 正!
椒鹽瀨尿蝦 (2 隻): 夠香脆, 鹹香中帶微辣, 瀨尿蝦肉幾實又不失滑溜, 我好唔客氣的食了 3, 4 件 仲有炸蒜粒, 又脆又香, 拌飯一流.
油菜: 係菜心, d 莖粗如芥蘭 唔算嫩, 油水夠食落都夠甜的, 不過我覺得再腍一點會更好.
豆腐海鮮湯: 送的, 奶白色的, 其實係魚湯, 不過飲落我覺得有點腥, 麻麻哋喜歡.
另外仲送了西瓜, 蕃薯糖水及壽包, 不過大家已被自攜的 Mimosa 拿破崙生日餅塞飽, 我只食得落幾件幾甜又幾「沙」的西瓜, 糖水及壽包還是打包好了.
食物新鮮唔出奇, 但手勢真不錯, 加埋乾淨好坐的環境及貼心的服務, 埋單每人$350 有找, 絕對物有所值, 值得試試.
再次多謝 C 氏伉儷的邀請!
(P.S. 食得太興奮, 無影海鮮相了, 睇住張雞翼尖相頂住先啦...)
張貼
