Alto 88

營業中

休息中

早幾日book左4位12點食lunch，第一個到餐廳，本黎想等齊人先入去，不過餐廳職員見到我未齊人都叫我入去坐住等，入去時仲未見有其他客。waiter好快帶我入去坐近窗邊位可以望到街外，都算有view，如果係夜晚黎應該會幾靚。見到D野食一早準備好，緊係食住等啦。入黎時已經見到buffet檯側邊有部機係切Pama Ham幾得意，即刻拎左兩件黎試。由於本人喜歡食牛，見到有牛舌當然唔會放過啦，味道亦唔錯。另外，仲有三文魚、火腿、沙律同麵包等等......款色唔算太多，不過當頭盤黎食已經足夠。幾位朋友到齊後，waiter就拎住幾個menu黎介紹，每人點一樣之後大家一齊share黎食，試盡每一道菜。starter係鮮蝦長通粉，味道幾好，只係D長通粉有少少硬，不過聽D朋友話意大利通粉煮得硬身D係正常既，可能係我食唔慣啦 。頭盤完左就到主菜，未上菜前waiter幫我地換左套餐具，由普通餐具換成把刻住France製造既餐刀，對個主菜即刻多左幾分期待。今次我試左雞卷同吞拿魚腩，個雞卷已經好入味，幾好食。吞拿魚腩更有驚喜，入口一D都唔油膩，下次黎一定要再叫吞拿魚腩。到左甜品時間，4個人當然叫哂4樣黎試啦。