東湖海鮮酒家 (已結業)

通常去飲對食都冇乜期望，就算去大酒店都係普普通通，因為要廚房一次過煮十幾廿圍台仲要保持高水準真係唔係咁易，所以今晚去東湖飲都冇乜期望，但反而有d意外驚喜，因為佢每度菜水準都幾平均。好似燒乳豬就燒到皮脆肉嫩，西蘭心帶子清甜可口，蟹肉翅個獻又較到唔杰唔稀o岩o岩好，條紅斑又蒸得唔會過晒火，炸子雞d肉又炸得透，就算連最後o既水餃麵連d麵都夠彈牙，曲奇餅又新鮮熱辣辣，唔會虎頭蛇尾，食得出呢間酒樓o既廚房真係幾嚴謹。