影片
更多
2024-12-15
0 瀏覽
就快到聖誕節🎄，緊係要食聖誕大餐啦🍽️！所以我約咗屋企人去大圍E for egg食豐富聖誕大餐🥳！依架新出咗幾款期間限定食物，有「冬蟹三重奏茶漬丼🦀」、「三重熔岩芝士煙肉滑蛋盒子吐司🧀 🥓」、「赤のE FOR EGG窩夫（草莓）🧇🍓」等等。🦀冬蟹三重奏茶漬丼 $168丼飯上面有松葉蟹腳、蟹鉗、蟹肉、蟹膏、蟹籽同蛋絲，賣相非常吸引呀✨！蟹殼已經預先剪開咗，仲俾咗手套方便食用🙌🏻 將所以材料撈勻食已經好好味，啖啖都有蟹嘅鮮味😋，加入玄米茶落去食🫖，帶出淡淡嘅茶香味，食落肚暖笠笠好舒服阿❤️。🥪期間限定 三重熔岩芝士煙肉滑蛋盒子吐司 $88吐司用牛油煎到金黃香脆，上面嘅芝士熱溶過好似熔岩咁流出嚟🧀！裏面夾住滑溜嘅滑蛋🥚，仲有鹹香嘅芝士煙肉添🥓，口感好豐富呀！旁邊有黑醋沙律🥗同炸芝士年糕，芝士年糕外脆內軟好滋味💛。🐟蒲燒星鰻茶漬丼 $108星鰻厚薄適中，配上鰻魚醬汁，入口香甜軟腍。飯上面有紫菜絲、蛋絲、飯素、菇粒同三文魚籽，加入玄米茶食，味道唔會好鹹。🍜豚肉生薑燒撈烏冬 $86豚肉用生薑燒汁煮得好入味🐷，烏冬口感Q彈煙靭，底下有生薑燒汁撈勻食。配料仲有紫菜絲、葱絲同粟米，增添唔同嘅口感同香味👍🏻！
🦀冬蟹三重奏茶漬丼 $168
丼飯上面有松葉蟹腳、蟹鉗、蟹肉、蟹膏、蟹籽同蛋絲，賣相非常吸引呀✨！蟹殼已經預先剪開咗，仲俾咗手套方便食用🙌🏻 將所以材料撈勻食已經好好味，啖啖都有蟹嘅鮮味😋，加入玄米茶落去食🫖，帶出淡淡嘅茶香味，食落肚暖笠笠好舒服阿❤️。
🥪期間限定 三重熔岩芝士煙肉滑蛋盒子吐司 $88
吐司用牛油煎到金黃香脆，上面嘅芝士熱溶過好似熔岩咁流出嚟🧀！裏面夾住滑溜嘅滑蛋🥚，仲有鹹香嘅芝士煙肉添🥓，口感好豐富呀！旁邊有黑醋沙律🥗同炸芝士年糕，芝士年糕外脆內軟好滋味💛。
🐟蒲燒星鰻茶漬丼 $108
星鰻厚薄適中，配上鰻魚醬汁，入口香甜軟腍。飯上面有紫菜絲、蛋絲、飯素、菇粒同三文魚籽，加入玄米茶食，味道唔會好鹹。
🍜豚肉生薑燒撈烏冬 $86
豚肉用生薑燒汁煮得好入味🐷，烏冬口感Q彈煙靭，底下有生薑燒汁撈勻食。配料仲有紫菜絲、葱絲同粟米，增添唔同嘅口感同香味👍🏻！
🧆E For Egg大拼盤 $98
（紫菜味薯條🍟、台式黑椒腸🌭、酥炸雞軟骨🐤、炸蠔🦪、炸魷魚鬚🦑共5款）
每款都炸得好脆口同乾食，入口唔會油膩膩嘅感覺。
🍰開心果巴斯克芝士蛋糕 $62
巴斯克蛋糕口感非常滑溜綿密😍，帶有香濃嘅開心果味，仲有濃厚嘅芝士同蛋香味，做得好出色啊👍🏻！
🧇赤のE FOR EGG窩夫（草莓） $92
雞蛋放喺窩夫面上面好可愛！窩夫新鮮熱辣整起，外脆內軟帶有濃厚蛋香🥚。面層嘅芝士奶蓋撒上士多啤梨粉🍓，鹹香得嚟帶有草莓嘅香甜味💕。切開裏面有兩粒雪米糍，外皮煙靭包住冰涼嘅雲呢拿雪糕🍨，同窩夫一齊食好好味呀！
☕️桂花拿鐵 凍 $45
咖啡帶有淡淡嘅桂花香味🌼，味道幾清新。
🫖桂花香梨茶 熱 $56
食完咁多嘢最啱飲番杯清新嘅花茶，呢杯桂花香梨茶好香桂花味✨，香梨煲到甜味出晒嚟🍐，飲落好清甜舒服。
💚開心果特調 凍 $56
開心果鮮奶香濃順滑，飲到底下仲有滑嫩嘅豆腐，呢杯有得飲又有得食😝！
📍 E FOR EGG
大圍城河道19-25號城河樓地舖
張貼
