蘇媽.蘇媽馬來西亞茶餐室 (已結業)

今日放假，老公提議到深水埗補給載口罩之紙袋，順道一嘗食評多人讚及假期經過門口見到排長龍「蘇媽，蘇媽」食店，特登12點去到以避開吃午飯的人羣，由於只有我倆口子進餐，以免眼闊肚窄，只剔選4款食物，椰香咖吔多士：上枱食感唔掂，好乾，乾的程度可以話𠝹咀，唔知是否烘過火，還是上枱遲了，沙爹串燒只選牛，但完全食落冇牛味，只可形容是肉類，沙爹醬ok, 辣死你阿媽咖喱雞飯，上枱個飯已是凍，餸內其中炒花生食時口腔內食出是有油膉味，是變壞了，㕑房應該多加留意，因壞了會釋出毒素，唔應該給客人食用，而魚仔醬蘿蔔糕：上菜時是熱，個醬夠辣很野味，但味道似芋頭糕，食到粉的感覺，奶茶咖啡記得要叫少甜，不過點時侍應姐姐會問一問，整體來說這次經驗不會再有下次光顧。