尚苑京滬川菜 (已改名) 查看

今日難得去咗科學館，我哋行返嚟呢邊條食街，睇吓有冇中餐食。條食街遊客非常多，所以我哋行到去商場地牢有一間酒樓，唔使同遊客爭。餐牌有很多選擇，又有套餐叫，又有一般點心紙叫，我見到好多人叫樟茶鴨，不過我們想食雞多啲，所以冇叫。叫咗一個素鵝卷，呢個真係值得叫，配上日式沙律麻醬，成個素鵝冇一般中式酒樓整到咁油膩，呢一個係非常之健康，但又有不同的口感，最主要的是四色有齊，非常漂亮。另外叫咗個得意嘅鹹水角，好大條蘿蔔，非常可愛，鹹水角炸得剛剛好，很煙韌，入面餡料十足。見到菜單上面有一蚊一隻蝦餃，就叫咗嚟試吓，杞子10分大粒，人蔘湯很濃味，飲完之後即刻成身暖晒。砂鍋雲吞雞叫咗半隻，都非常之夠食，又有雲吞，菜，隻雞仲整得非常之嫩滑。飲埋雞湯，不會覺得非常之口渴，證明真材實料，冇落很多味精。