雲長小龍坎老火鍋 (已結業)

銅鑼灣越開越多一人一爐嘅鋪頭，今次去金百利7樓嘅小龍坎。入到去見到枱櫈嘅佈置有啲混亂， 不過坐落都舒適嘅。我叫咗個藥膳肥牛鍋。 每個餐都跟好多唔同配料， 例如豬頸肉、蟹棒、午餐肉等，仲可以自選兩粒丸/餃，比其他同類型嘅一人一爐多好多菜式。另外可以去自助調味櫃攞調味料，但其實個湯底已經好夠味（甚至可以話太鹹），唔使再沾醬都OK。啲餸都係不過不失。除咗豬頸肉砌到玫瑰花咁，更值得一提係個蝦丸同墨魚丸，好彈牙同真材實料。以$68一個午餐都算幾抵，可以再戰。