影片
更多
2011-12-18
25 瀏覽
近呢兩年，拉麵成為咗飲食嘅潮流，更加有唔少麵店係日本嘅過江龍。以前以為某啲拉麵連鎖店已經係好好嘅選擇，依家先知自己係井底之蛙。喺各款湯底之中，以豬骨湯底最流行。好多麵店都以採用大量上等豬骨熬製多時嘅湯底作號召。而味吉亦係其中之一。呢度湯底有5種，博多豬骨、札幌麵豉湯、東京極上醬油、函館鹽味同別府地獄辛辣湯，與3種肉 – 叉燒、豚肉同豬軟骨作用唔用嘅配搭。價錢只係50幾-70幾一碗。另外亦有其他小食可供選擇。至於呢度嘅環境，當然係整潔四正，而且店內亦有唔少麵條同湯底嘅簡介。今次點咗麵豉配叉燒同豬軟骨湯麵。麵豉其實亦係以豬骨湯作基調，湯底顏色淡黃同帶有油份。濃郁得嚟帶點麵豉嘅咸味，原來亦係相當唔錯嘅配搭。店員建議可先飲幾口湯，然後加入附加嘅2粒牛油，味道會更濃。配料有蔥粒、椰菜同芝麻。叉燒方面有瘦同半肥瘦選擇，雖然揀咗半肥瘦，但都唔算好淋，味道亦唔算好入味。而豬軟骨就反而較肥，但口感比較好。兩款肉嘅份量都唔少，都算抵食。麵係粗&曲麵，彈牙好味。呢度唔同湯底配搭唔同嘅麵，下次想試埋直&幼麵。呢度個湯麵碗比較大同深，加埋熱辣辣嘅麵同濃郁嘅湯底，相當滿足。另外嗌咗蟹籽沙律，嘩，都幾大碟。起初食啲
喺各款湯底之中，以豬骨湯底最流行。好多麵店都以採用大量上等豬骨熬製多時嘅湯底作號召。而味吉亦係其中之一。
呢度湯底有5種，博多豬骨、札幌麵豉湯、東京極上醬油、函館鹽味同別府地獄辛辣湯，與3種肉 – 叉燒、豚肉同豬軟骨作用唔用嘅配搭。價錢只係50幾-70幾一碗。另外亦有其他小食可供選擇。
至於呢度嘅環境，當然係整潔四正，而且店內亦有唔少麵條同湯底嘅簡介。
今次點咗麵豉配叉燒同豬軟骨湯麵。麵豉其實亦係以豬骨湯作基調，湯底顏色淡黃同帶有油份。濃郁得嚟帶點麵豉嘅咸味，原來亦係相當唔錯嘅配搭。
店員建議可先飲幾口湯，然後加入附加嘅2粒牛油，味道會更濃。
配料有蔥粒、椰菜同芝麻。叉燒方面有瘦同半肥瘦選擇，雖然揀咗半肥瘦，但都唔算好淋，味道亦唔算好入味。
而豬軟骨就反而較肥，但口感比較好。
兩款肉嘅份量都唔少，都算抵食。麵係粗&曲麵，彈牙好味。呢度唔同湯底配搭唔同嘅麵，下次想試埋直&幼麵。
呢度個湯麵碗比較大同深，加埋熱辣辣嘅麵同濃郁嘅湯底，相當滿足。另外嗌咗蟹籽沙律，嘩，都幾大碟。起初食啲菜絲有啲冰凍，加上蟹柳同沙律醬，好食。只係唔多夠沙律醬，不過唔緊要，要求嘅話店員會俾多碟沙律醬，加埋份量啱啱好。
埋單大約$145。拉麵當中都算價值ok又美味。唔怪得咁多人幫襯。張貼
