EFG Eat for Green (已結業)

昨日跟母親大人去駱駝漆逛街兼採購，順道吃午餐， 自從開始intermittent fasting之後都想食得健康啲， 所以選了這間green friendly嘅餐廳。餐廳雖然地方唔大，但位置都算坐得舒適。他們的菜牌其他有葷有素， 但難得找到有間素食菜式選擇多嘅餐廳，媽咪就陪我green一日。我地點左冬陰功湯紙包焗素魚、韓式菠蘿Impossible漢堡，都是調味比較惹味的，配上青檸薄荷烏龍冰茶， 薰衣草洋甘菊蜜糖花茶。漢堡包用左Impossible meat, 質感跟肉很相似，用了韓式辣醬調味，少少辣好惹味，中間夾左一片厚厚的菠蘿，香甜解膩。加配了炸甜薯條，吃漢堡就是要配薯條！冬陰功湯紙包素魚，份量好大，我們還加了蒜蓉牛油包。這道菜有三大片炸素魚， 我唔太懂材料是什麼，但炸素魚跟真的炸魚質感好似。底部塾了粉絲， 粉絲索滿了冬陰功湯的湯汁，惹味，不過好飽肚。紙包還有好多其他配料像蕃茄、菇類等。另外不得不提，蒜蓉包好好味，個包外脆內軟。最後配杯清新嘅青檸薄荷飲品，消暑解膩。