早辰 (已結業)

望到個名 早辰 以為係食早餐既 不過原來係食西餐既 仲要係高水準既西餐 餐廳細細間 座位唔多 不過幾雅緻 首先上既係餐包 有橄欖油同黑醋提供 味道正常 跟住到雜菜湯 味道清甜 應該用左好多蔬菜去熬煮 點左個小食 魷魚圈配他他醬 外面酥脆內裏煙un 配埋個醬 好味道 最重要既主菜上場啦 呢個安格斯牛扒真係好好食 五成熟 肉既色澤好靚 肉面鋪有少少芝士 一咬落去超多肉汁 而且肉質鮮嫩 食到唔停口 隔離D薯角同配菜都唔錯 翠玉瓜爽口 茄子多汁 另外既自家制手捲意粉 黑松露同羊奶芝士既味道配搭一絕 再加上青豆 煙肉等等 口感豐富 醬汁濃郁 正！飲品點左伯爵紅茶 茶味香濃 而且分量頗多 甜品就點左蜜糖芭菲 食落口感似雪糕 又有d似芝士 果仁增添左口感 而旁邊既水果就中和翻個甜味 整體酸酸甜甜 唔錯