Next Station Dessert (已結業)

暖拖肥泡沫$56: 推介，外表平平無其，食上去發現配搭花了心思，底層baileys 冷凍加上薄層expresso 啫喱，上面加上幾片香蕉mix vanilla ice cream, 表面包左暖的拖肥泡沫，上面加塊脆片。味道配搭好match, 唔太甜，泡沫打得算滑，拖肥味道較light，雖然最差係脆片完全唔脆同埋賣相一般，整體味道幾好味。Choco心太軟配曲奇雪糕$58: 有rum,橙酒同baileys選擇其一，我選左rum.用途吱酒入去心太軟內，mix with choco 食，啱哂帶酒味食品的我，酒味如果濃d就正，感覺得意，有野玩吱吱下，心太軟合格外脆內軟，雪糕似商業類買的雪糕，無咩特別。旁邊掃左層薄好似raspberry 啫喱，其實食的時候巳比心太軟遮蓋味道，唔算突出，當裝飾算不錯吧。店舖裝修的空間格局較細，其實店舖算大，坐位有些高櫈唔舒服。