養心殿台式養生鍋 (已搬遷) 新店位置

今晚約左友人在旺角食飯，去到彌敦道新興大廈樓下，就見到養心殿台式養生鍋的招牌大大塊，朋友都未試過依間，所以就決定上去試試。搭扶手電梯上一樓，就見到古式古香的裝潢。坐底就點野食同點湯底，見到like了餐廳的facebook及打咭，就會一人送一杯無酒精飲品，我地揀左凍咸檸七，覺得餐廳依個安排好貼心。因為我同友人都唔食辣，所以湯底揀左酸菜白肉鍋。送上的時候仲自動追加左一碟酸菜白肉。鍋入面已經有好多豬王花腩同酸東方大白菜，仲有QQ寬粉條、蕃茄等配料，勁大煲，我們先試試乜都未落的湯底，味道都唔會太酸，QQ寬粉條吸哂味，再加上軟身質感，好好味，酸酸地清清地，好開胃。上菜的速度好快，我地分別點左手工丸類拼盤依個拼盤共有12粒，包括鵝肝墨魚丸，黑松露蝦丸，芝士牛肉丸，墨魚丸，蝦丸，和梅菜豬肉丸，每款有2粒，全部人手製，好新鮮。食落仲好爽好彈牙， 粒粒都很滋味，我最欣賞的是鵝肝墨魚丸同黑松露蝦丸，鵝肝墨魚丸入面夠鵝肝超大舊，好滋味，黑松露蝦丸的黑松露味濃郁，絕不欺場。手切牛肉 (細size)火鍋同牛肉係劃上左等號，但我地得兩個人，所以揀左一碟細的手切牛肉，但原來份量都好多，每一塊牛肉既色澤都好紅，有少少