玖五牛肉麵 (已結業)

睇朋友ig post 過d野食幾吸引，我同男朋友琴晚黎左食。哩度主打係牛肉麵，仲會有多款小食，其中滷水小食都幾多，要試下先！台式飲品都有好多款呀，落單係自己寫完喺餐牌交俾店員，我覺得幾好玩 哈！落左單無耐已經陸續上菜，快到驚人呀，咁岩果時好肚餓，所以咁快有野食好開心！滷牛筋滷牛肚拼盤 $48先黎既係滷水小食拼盤，可選擇兩款。我本身好中意食牛筋，覺得好滑爽口，又可以補充膠原。牛肚都中意食。牛筋同牛肚都煮得入味，唔錯！凍冬瓜珍珠奶茶 $30係一杯常見嘅台式飲品，用左白色珍珠，冬瓜茶調得唔會好甜，我本身都鍾意飲冬瓜茶，上面有層奶蓋，最近好多飲品都加左奶蓋，係多左層口感。肉燥青菜 $28青菜灼得青綠，通菜爽口，加埋特製肉燥一齊食好夠味。蕃茄湯紅燒牛肉麵 $78我諗哩款係就番香港人口味而創既蕃茄湯底，喺台式店食紅燒湯底既多。加入蕃茄多左鮮甜味，牛肉係好林，唔會痴牙，麵條彈牙掛湯。