又一棧 (已結業)

今次寫下食評先~喺又一成返過兩份工, 加埋加埋都喺又一城唔小時間, 但其實都仲有好多間餐廳未入過。印象中, 又一棧喺又一城已經好長時間, 唔通真係有又一城就有又一棧?!第一次走入去, 就被裏面既裝橫吸引。又一西式裝橫既中菜廳, 我好鐘意呢種餐廳~~ 枱上面既餐巾全部都係直立的, 就像洋燭一樣。西式既杯碟都印有馬圖案。剛坐下便叫了龍井。茶壺都係西式, 仲有前菜。因為太肚餓, 所以冇影到。係小小辣既, 有青瓜, 花生, 肉... 都幾好味! 跟住, 我地叫咗三樣野, 小籠包, 雪菜肉絲炒年糕, 北京填鴨。小籠包, 好好味, 裏面既汁好甜好好味~~雪菜肉絲炒年糕, 好清, 其實我地係唔知係咁普通既... 因為個餐牌用咗個好深唔識讀既字... 不過佢啲年糕好軟, 好易咬, 不會好似其他地方啲年糕咁難消化。食完晒前面啲野, 好不容易終於都等到隻北京填鴨。其實我地叫個時已經同我地講咗要等四十分鐘。唔通真係即整咁正?! 佢先拎去我地面前, 俾我地睇咗個全相先, 然後先去一邊片啲皮同肉, 全程我地都可以睇得到既。然後就連汁連青瓜同蔥上。再問我地隻鴨要唔要包起。我地有要, 佢係用個厚厚的保鮮袋裝俾我地的