海鮮站 (已搬遷) 新店位置

晚飯時間太太話想試吓呢間，8PM去到門口以為無位，點知佢叫我跟住行，就咁就坐咗係商場加枱位。跟住打比嗰FRIEND問吓有無好介紹，佢叫我問吓D呀姐，佢哋會話您知。沿途見到枱枱都叫沙律，咪叫番個囉。跟住呀姐話蒸魚靚，就要個清蒸頭腩。太太話想食焗芝士龍蝦伊麵，咁就叫咗三樣嘢。等咗三分鐘都無，大蝦沙律就到咗，芒果汁沙律加三隻蝦，以為去咗許留山。差唔多食完，蒸魚就到，一放抵竟然係東星班仔。非常鮮甜，絕對新鮮，即刻叫白飯撈汁，正。食剩三件，伊麵到，太太一見已話正。芝士汁唔(奶) ! 龍蝦爽甜，HK$180算係咁，跟住手多切翻隻龍蝦出嚟。吃飽埋單HK$314免加一。多謝下次見。