亞參雞飯 (又一城)

營業中

休息中

原來又一城除咗food Court之外，仲有一個corner位有平民美食，今日睇完戲就嚟咗呢度食亞參雞飯。既然主打海南雞梗係要叫返碟嚟試吓，油飯入口夠香夠油潤，海南雞啖啖肉，入口滑嘟嘟唔會乾爭爭，個人就最鍾意點甜豉油～清湯入口亦夠晒甜～肉骨茶散發香濃藥材味，入口甘甜，排骨咬落鬆軟有肉香，熱辣辣煲仔上飲完全身暖笠笠！嚟到點可以唔叫咖吔多士，脆口多士配上一片厚牛油，在上一層咖吔醬，超邪惡但勁好味！仲有爽彈蝦餅，食到一粒粒蝦肉，唔錯！今晚點嘅兩款飲品都幾好飲，香茅薄荷特飲散發獨特香味，剛好可以沖走肉骨茶嘅藥材味；薏米水飲落甜甜地又有薑味，夠晒暖胃！