黑麥 (已結業)

 一心來到荔枝角想試試黑麥，一黎到睇完餐牌就點左兩個set dinner，一個係忌廉白汁野菌意大利飯，另一個係燒菠蘿蝦沙律。因為係set, 一黎就有個跟餐沙律。其實買相係ok, 沙律上面有塊野，應該係D咸火腿之類既野，一咬落去真係不得了，咸過食盬，係極咸⋯年紀有番咁上下千其唔好試，真係以防賢炎。到主菜，首先出場係忌廉白汁野菌意大利飯，一來到我眼都凸左，點解？我以為係人地食剩！個份量係極細，可以係話兩啖食晒囉，你話係兒童餐我都接受唔到，非常呃秤⋯唉，算⋯因為有2個人諗住share 食既，咁叫侍應比兩隻碟啦，佢拎到黎張兩隻疊起既碟棟係我前面，我望一望佢，佢呆左半秒，然後黯然轉身走⋯呢D服務，你話係咪令你有賓至如歸既感覺呢⋯到個燒菠蘿蝦沙律，普普通通啦，菠蘿好多蝦好少⋯但最敗北既係食食下見到菠蘿上面有條疑似毛髮既野⋯真係無言⋯總括黎講，咁既價錢，咁既服務，咁既食物，係絕對晤會有下次。