GRIND SIZE

營業中

休息中

旺角可謂龍蛇混集，咩都有得食！而通菜街就比我發現到又一新大陸…「窮撚人賣咖啡」，咁貪新鮮嘅我當然要上前一試。週末關係，下層都坐滿了，所以被安排到上層位置，上到來真是喜出望外，以米白色佈置，配上木系傢具，更有一打卡必到位「見字飲啡」，那簡約舒適，走異國風味的環境，真係帶我走進另一世界之中。焦糖燉蛋咖啡咖啡上加上焦糖火炙一番，做到焦糖化效果，再加上粒粒焦糖，賣相精緻，焦香十足。鹽漬櫻花荔枝梳打入口清新，飲到點點鹽漬咸味，又有荔枝梳打嘅清甜爽口感覺，再有櫻花，香草作伴，甚有少女心。澳洲牛面頰•沙嗲煎腸粉 煎腸粉平時早餐就食得多，但配上西式做法，香煎後加入沙嗲醬汁，牛面頰真係Fusion菜式。牛面頰軟腍味濃，再有外脆內軟煎腸粉 ，仲唔止，添上花生味極重嘅沙嗲醬汁，相得益彰，非常惹味。鹹又唔鹹蛋黃吉士甜又唔甜比利時窩夫賣相討好的窩夫，當中加上濃郁鹹蛋黃吉士、還有冰涼清甜雲呢拿雪糕及香脆花生碎，入口時鹹時甜，層次豐富。