影片
更多
2013-12-16
69 瀏覽
17/11中午就入左黎屯門，無計啦因為今日要勞動幫個fd搬屋執野！勞動前就梗係要食個豐富lunch補充下體力啦！去左個新新地既商場Vcity既一間叫pepper power食，由一田超市上電梯轉左就係，個位都幾顯眼。中午12點幾都未算太多人，而且2個人都好快有位！肚餓啦，拿拿臨叫野食先…我就叫左個泰式鹵豬脾飯，d豬脾正呀！d肉好腍，鹵水汁好入味，而且肥瘦均勻，仲有半隻鹵水蛋喎，份量都足夠！Fd就叫左泰式海鮮炒金邊粉，因為佢唔係好食得太辣，所以order時叫左少辣。佢話個味好味，佢將旁邊d花生碎撈埋金邊粉，個味就酸酸甜甜但帶d辣辣地，夠開胃。我都夾左d黎試，又真係幾ok，金邊粉又好煙韌彈牙，我見佢碟野用料都幾足，有蟹柳、蝦、墨魚…..d金邊粉都幾多下…另外叫多左2個小食。1個豬頸肉，啖啖肉而且帶點微辣又唔會太油膩，正呀！另1個係半打雞肉串燒，雞肉鮮嫩，炸得金黃，點d沙嗲醬食，good 啦！最後，當然飲返杯野啦！Fd就叫左椰汁紅豆冰，佢話勁香椰子味，而且係勁多紅豆，甜度適中！我就叫左什果冰，底中勁多雜果，味就偏士多啤梨味，都唔差！超飽囉！講返環境，以簡樸為主都係木檯木凳，唔多花巧野！而服務
中午就入左黎屯門，無計啦因為今日要勞動幫個fd搬屋執野！勞動前就梗係要食個豐富lunch補充下體力啦！
去左個新新地既商場Vcity既一間叫pepper power食，由一田超市上電梯轉左就係，個位都幾顯眼。
中午12點幾都未算太多人，而且2個人都好快有位！肚餓啦，拿拿臨叫野食先…
我就叫左個泰式鹵豬脾飯，d豬脾正呀！d肉好腍，鹵水汁好入味，而且肥瘦均勻，仲有半隻鹵水蛋喎，份量都足夠！
Fd就叫左泰式海鮮炒金邊粉，因為佢唔係好食得太辣，所以order時叫左少辣。佢話個味好味，佢將旁邊d花生碎撈埋金邊粉，個味就酸酸甜甜但帶d辣辣地，夠開胃。我都夾左d黎試，又真係幾ok，金邊粉又好煙韌彈牙，我見佢碟野用料都幾足，有蟹柳、蝦、墨魚…..d金邊粉都幾多下…
另外叫多左2個小食。1個豬頸肉，啖啖肉而且帶點微辣又唔會太油膩，正呀！
另1個係半打雞肉串燒，雞肉鮮嫩，炸得金黃，點d沙嗲醬食，good 啦！
最後，當然飲返杯野啦！Fd就叫左椰汁紅豆冰，佢話勁香椰子味，而且係勁多紅豆，甜度適中！我就叫左什果冰，底中勁多雜果，味就偏士多啤梨味，都唔差！
超飽囉！講返環境，以簡樸為主都係木檯木凳，唔多花巧野！而服務都可以啦，侍應都好快收下野，加下水咁！
題外話/補充資料：
今餐約食左$250左右啦，但2個人食左咁多野黎講抵架啦！佢平均都係$40-$50多一碟野咁上下啦！不過呢餐fd請，我抵晒，哈！
(以上食評乃用戶個人意見 , 並不代表OpenRice之觀點。)
張貼
